Edersonga qaysi hujumchi eng ko‘p xavf tug‘dirgan?

"Manchester Siti" darvozaboni Ederson Angliyada o‘zi duch kelgan eng qiyin hujumchi nomini aytdi.

Braziliyalik futbolchining so‘zlariga ko‘ra, bu uzoq yillar "Tottenxem"da o‘ynagan Xarri Keyn. "Men Premyer-ligada ko‘plab hujumchilarga duch kelganman.

Lekin menimcha, eng qiyin raqib Xarri Keyn edi. U jarima maydonchasi ichida ham, tashqarisida ham ajoyib sifatga ega.

U juda ko‘p imkoniyatlar yarata oladi.

Mening fikrimcha, u men uchratgan eng yaxshi hujumchilardan biridir", dedi Ederson.