"Yuventus" bir shart bilan "Manchester Yunayted"ning yosh hujumchisi bilan shartnoma imzolashga tayyor

Turinning “Yuventus” klubi qishki transferlar oynasi oldidan “Manchester Yunayted”ning 23 yoshli hujumchisi Joshua Zirkzeeni diqqat bilan kuzatib bormoqda.

Jurnalist Nikolo Shkiraning yozishicha, “Yuventus” rahbariyati niderlandiyalik forvard yaqin orada jamoani tark etishga qaror qilsa, uni o‘z safiga qo‘shib olishga harakat qiladi.

Joshua Zirkzee joriy mavsumda “Manchester Yunayted” safida barcha turnirlar doirasida 23 ta o‘yinda qatnashib, atigi 3 ta gol va 2 ta golli uzatmani amalga oshirdi.