Neymar sobiq jamoadoshlari bilan yana birlashishi mumkin

Neymar Mayamining "Inter" klubiga o‘tishi mumkin.

Sky Sport Switzerland xabariga ko‘ra, "Al-Hilol" hujumchisi hozirgi jamoadoshlariga yozda "Barselona"dagi sobiq jamoadoshlari Lionel Messi, Luis Suares va Serxi Buskets to‘p tepadigan MLS klubiga o‘tishini aytgan.

Saudiya Arabistonidagi manbalar, o‘z navbatida, braziliyalik shu tariqa, maoshini oshirish uchun liga rahbariyati va sport vaziriga bosim o‘tkazishga umid qilganini da’vo qilmoqda.

Neymarning “Al-Hilol” bilan shartnomasi 2025-yilda yakuniga yetadi – avvalroq shartnoma uzaytirilishi ehtimoldan yiroq emasligi xabar qilingandi.

Neymar tizzasidagi jarohat tufayli bir yilga yaqin maydonga tusha olmagan va oktyabr oyida safga qaytgandi.

Qayta tiklangandan so‘ng, braziliyalik hujumchi Osiyo chempionlar ligasining ikkita o‘yinida qatnashdi va shundan so‘ng u son qismidan jarohat oldi.