Benzema faoliyatini yakunlashi mumkin

"Real" va Fransiya terma jamoasining sobiq hujumchisi Karim Benzema 2024/2025 yilgi mavsum oxirida faoliyatini yakunlashi mumkin. Bu haqda Relevo jurnalistlari xabar bermoqda.

Manbaning xabariga ko‘ra, 36 yoshli futbolchi ketish haqida o‘ylayapti, biroq hali yakuniy qarorga kelmagan. Saudiyaning "Al-Ittihod" jamoasi Karimdan hech bo‘lmaganda shartnomasi oxirigacha o‘ynashini kutmoqda.

Benzema Saudiya jamoasi safiga o‘tgan yozda erkin agent sifatida qo‘shilgan edi. Tomonlar o‘rtasidagi amaldagi shartnoma 2026 yilning yozida yakuniga etadi.