«Atletiko» ketma-ket 11-o‘yinda g‘alaba qozondi. Keyingi raqib - «Barsa»

«Atletiko» g‘alabali seriyasini 11 ta o‘yinga yetkazdi.

Bugun Diyego Simeone shogirdlari La Liganing 17-turida «Xetafe»ni mag‘lub etishdi (1:0).

Hammasi bo‘lib madridliklar barcha turnirlarda ketma-ket 11 uchrashuvda g‘alaba qozonishgan. Jamoa ularda jami 31 ta gol urishga erishdi.

Oxirgi mag‘lubiyat 27 oktyabr kuni La Liga doirasida «Betis»dan (0:1) qayd etilgandi.

21 dekabr kuni «Atletiko» Ispaniya chempionatining 18-turida «Barselona»ga qarshi bahs olib boradi.