Mareska "Chelsi"dagi darvozabonlar bilan bog‘liq vaziyat haqida to‘xtaldi

Londonning "Chelsi" klubi bosh murabbiyi Enso Mareska jamoaning asosiy darvozaboni haqidagi yana bir savolga javob berdi.

"Biz Robertga ishonamiz va hech narsani o‘zgartirishni rejalashtirmayapmiz", - deb javob beradi Mareska darvozabon pozisiyasi haqidagi savolga. - Bizning holatda, biz juda yaxshi bo‘lgan ikkita darvozabon haqida gapiryapmiz. Ular hozirgi darajasini saqlab qolishsa, biz hamma narsadan mamnunmiz", - dedi "ko‘klar" ustozi.

Yakshanba kuni Angliya Premyer-ligasi doirasida "Chelsi" o‘z uyida "Brentford"ni qabul qiladi.