Slot Nunyesdan nimani kutayotganini aytdi

"Liverpul" bosh murabbiyi Arne Slot hujumchi Darvin Nunyesning kelajagi haqida o‘z fikrlari bilan o‘rtoqlashdi. 25 yoshli futbolchining "qizillar"ning asosiy tarkibida doimiy o‘rni yo‘q. Urugvaylik futbolchi joriy mavsumda 19 ta o‘yinda 3 ta gol urgan.

"Darvin allaqachon o‘zini to‘purar ekanligini isbotlagan. Menimcha, uning yana gol urishi vaqt masalasi. Lekin u hujumchi sifatida ham o‘ynay oladigan Luis Diaz va Diogo Jota bilan raqobatlashadi", - deya Slot so‘zlarini keltirmoqda ingliz OAVlari.

Shanba kuni "Liverpul" o‘z maydonida "Fulxem"ga qarshi o‘ynaydi.