Pedro: "Bu haqida gapirishga hali erta"

"Lasio" futbolchisi Pedro Rodriges A Seriya doirasidagi "Inter"ga qarshi o‘yin oldidan intervyu berdi. Rimliklar dushanba kuni o‘z uylarida "neradzurri"ni qabul qilishadi.

“Albatta, “Inter”ga qarshi o‘yin qiyin bo‘ladi. Bu Italiyaning eng kuchli jamoasi, ammo ularni mag‘lub etish mumkin. Ajoyib o‘yin ko‘rsatsak, uch ochko olishimiz mumkin.

Kiyinish xonasida Skudetto haqida gaplar? Yo‘q, bu haqda gapirishga hali erta. Biz o‘yindan o‘yinga borishimiz kerak, biz hozir Yevropa Ligasi yoki A Seriyada g‘alaba qozonish haqida o‘ylay olmaymiz. Boshqa tomondan, biz bundan voz kechmasligimiz kerak. Hatto "Inter" ham bizni mag‘lub etishi qiyin bo‘ladi", - dedi Pedro.