Gvardiola: "Menga hozir o‘z futbolchilarim kerak"

"Manchester Siti" bosh murabbiyi Pep Gvardiola qishki transfer oynasida transferlarni amalga oshirishni kutyaptimi yoki yo‘qmi degan savolga javob berdi.

"Men futbolchilarimni qaytarishni xohlayman! Mavsum boshida bo‘lgan jamoamiz bilan raqobatlashishni juda xohlayman. Har doim aytganman, menga yangi futbolchilar emas, o‘z futbolchilarim kerak. Ammo ma’lum bir vaqtda yangilar haqida o‘ylab ko‘ramiz", - deya Gvardiola so‘zlarini keltiradi Fabrisio Romano.

Premyer-liganing 14 uchrashuvidan so‘ng "Manchester Siti" to‘rtinchi o‘rinni egallab turibdi. Amaldagi chempion hisobida 27 ochko bor.