"Manchester Siti" 2025 yilda katta mablag‘ sarflamoqchi

"Manchester Siti" yangi yilda bir qancha muhim transfer bitimlarini amalga oshirishi mumkin.

"Shaharliklar" Xosep Gvardiola klubdagi faoliyatidan beri eng jiddiy inqirozini boshdan kechirmoqda - jamoa so‘nggi o‘nta o‘yinning yettitasida mag‘lub bo‘ldi. Jurnalist Saymon Mallokning fikricha, ispaniyalik murabbiy 2025 yilda tarkibni sezilarli darajada kuchaytirishga umid qilishi mumkin. Ustivor transfer vazifasi Rodriga munosib muqobil bo‘ladigan yangi tayanch yarim himoyachi bilan shartnoma imzolash. Qolaversa, amaldagi Angliya chempionlari Erling Xolandning ish yukini kamaytirish uchun yangi forvard sotib olishga umid qilishmoqda.

"Manchester Siti" hozirda APL turnir jadvalida 4-o‘rinda bormoqda. Peshqadam "Liverpul"dan 8 ochko bor, "qizillar"da bitta o‘yin bor.