"MYU" Reshfordning turmush tarzidan xavotirda

"Manchester Yunayted" Markus Reshfordning turmush tarzidan xavotirda.

Avvalroq "mankunianliklar" hujumchini yuqori maoshi tufayli sotishga tayyor ekani xabar qilingandi - uning ketishi klubga transfer bozorida ko‘proq erkinlik beradi.

The Telegraph nashri xabar berishicha, "Manchester Yunayted" Reshfordni sotishga ochiqligining ikkinchi sababi bor.

"Klub Reshfordning maydondan tashqaridagi turmush tarzidan xavotirda va Markus hozir qadar futbolga e’tibor qaratmayotganidan xavotirlar bor. Manbalarga ko‘ra, u futboldan tashqarida uning faoliyatiga ta’sir qiladigan bir qancha chalg‘ituvchi omillarga duch keladi", - deb yozgan manba.

Reshfordning "Manchester Yunayted" bilan shartnomasi 2028 yilgacha mo‘ljallangan. Joriy mavsumda 27 yoshli forvard APLning 15 ta uchrashuvida 4 ta gol urdi va 1 ta golli uzatmani amalga oshirdi.