Shaxin: "Bundesliga biz uchun muhimroq"

Dortmundning "Borussiya" klubi bosh murabbiyi Nuri Shaxin "Barselona" bilan bo‘lib o‘tadigan Chempionlar ligasi o‘yinining ahamiyati haqida o‘z fikrlari bilan o‘rtoqlashdi.

"Bu jang turnir jadvalidagi o‘rin uchun muhimmi? Bu boshqa uchrashuvlardan farq qilmaydi. Ularning har biri o‘ziga xosdir. Men ularga xuddi futbolchidek qarardim.

"Barsa" bilan teng sharoitdamiz va kuchli sakkizlikka kirishni istaymiz, agar g‘alaba qozonsak, ko‘p narsa oydinlashadi, lekin biz uchun eng muhim turnir Bundesligadir", dedi Shaxin.