Aleksis Makallister Klopp va Slot o‘rtasidagi farqni ochib berdi

Angliyaning "Liverpul" klubi yarim himoyachisi Aleksis Makallister jamoaning sobiq bosh murabbiyi Yurgen Klopp va hozirgi Arne Slot o‘rtasidagi farqni tushuntirib berdi.

"Eng katta farq bu biz to‘pga ko‘proq egalik qilyapmiz. Bu hozirgacha eng katta farq. To‘pga ko‘proq egalik qilish imkoniyati ko‘proq golli vaziyatlar yaratish imkonini beradi. Jamoa o‘zini juda qulay his qilmoqda va juda yaxshi ishlayapti, buni siz Chempionlar ligasida "Real"ga va Premyer-ligada "Manchester Siti"ga qarshi ko‘rdingiz. Bu bizga ko‘proq ishonch bag‘ishlaydi va har qanday jamoa bilan raqobatlasha olishimizni tushunishimizga yordam beradi", - dedi futbolchi.

Joriy mavsumda Aleksis Makallister klub safida barcha musobaqalarda 21 ta o‘yin o‘tkazib, ikkita gol urdi.