Van Deyk "Liverpul"ni tark etib, Ispaniya superklubiga o‘tishi mumkin

"Liverpul" markaziy himoyachisi Virjil van Deyk faoliyatini Ispaniya chempionatining top-klubida davom ettirishi mumkin. Bu haqda Todofichajes portali sahifalarida xabar berildi.

Manbaning xabariga ko‘ra, 33 yoshli niderlandiyalik futbolchiga Madridning "Real" klubi qiziqish bildirmoqda.

"Los Blankos" rahbariyati himoyadagi muammolar tufayli ajoyib himoyachi qidirmoqda. Madridliklar van Deykka 3 yillik shartnoma taklif qilishi mumkin. Virjilning "Liverpul" bilan amaldagi shartnomasi kelasi yilning yozida tugaydi.

Angliya Premyer-ligasining joriy mavsumida u 14 ta o‘yinda maydonga tushib, bir gol va golli uzatmani amalga oshirdi.