"MYU" sobiq futbolchisi Luis Saa Pogbani jamoada kutmoqda

"Manchester Yunayted"ning sobiq futbolchisi Lui Saa fransiyalik yarim himoyachi Pol Pogbaning "qizil iblislar" safiga qaytishi mumkinligi haqida gapirdi.

"Pol imkon qadar tezroq avvalgi darajasiga qaytishi kerak. Top o‘yinchilar bilan mashg‘ulotlar unga bunda yordam beradi. O‘ylaymanki, u "Manchester Yunayted"ga qaytishdan juda xursand bo‘lardi. Jamoada hozir hujum kuchi va tajribali futbolchi yetishmayapti. Pol bu borada juda yaxshi transfer bo‘lardi", - dedi Saa Daily Mail portaliga.

Eslatib o‘tamiz, Pogba ayni damda doping uchun diskvalifikasiyani o‘tamoqda. Taqiq muddati kelasi yilning mart oyida tugaydi.