17 turdan so‘ng «Barselona» Ispaniya chempionatida dastlabki to‘rtta jamoa orasida eng ko‘p gol o‘tkazib yubordi

O‘tgan dam olish kunlari «Barselona» safarda «Betis»ni mag‘lub eta olmadi.

Ispaniya La Ligasining 17-turidan o‘rin olgan uchrashuv 2:2 hisobida durang bilan yakunlandi. Aytish joizki, «Barselona» o‘yin yakunida gol o‘tkazib yubordi.

17-tur natijalariga ko‘ra, kataloniyaliklar 19 ta gol o‘tkazib yubordi. Ajablanarlisi shundaki, «Barselona» turnir jadvalida peshqadamlik qilmoqda, lekin ayni paytda kuchli to‘rtlikdagi jamoalar orasida eng ko‘p gol o‘tkazib yuborgan.

Ikkinchi o‘rindagi «Real» esa o‘z darvozasidan atigi 13 ta gol o‘tkazib yuborgan. Jadvalda keyingi o‘rinda «Atletiko» (11) va Chempionlar Ligasi zonasini yopayotgan «Atletik» (15) bor.

Ispaniya chempionatining navbatdagi turi 13 dekabr kuni «Valyadolid» – «Valensiya» uchrashuvi bilan boshlanadi.