Erik ten Xag "Manchester Yunayted"ga germaniyalik futbolchini sotib olishiga to‘sqinlik qilishi mumkin

"Manchester Yunayted"ning sobiq bosh murabbiyi Erik ten Xag qishki transfer oynasida "qizil iblislar"ning "RB Leypsig" chap qanot himoyachisi David Raumni qo‘lga kiritish rejalarini barbod qilishi mumkin.

Mavsumni muvaffaqiyatsiz boshlaganidan so‘ng, germaniyaliklar murabbiylik ko‘prigida o‘zgarishlarni ko‘rib chiqmoqda. Xabar qilinishicha, Marko Roze o‘rniga asosiy nomzodlardan biri Erik ten Xag hisoblanadi.

Agar niderlandiyalik haqiqatan ham nemis klubiga ishga joylashsa, u holda nashr ta’kidlaganidek, Germaniya terma jamoasining 26 yoshli futbolchisini yo‘qotishni istamaydi.

David Raum joriy mavsumda “RB Leypsig” safida 9 ta o‘yinda maydonga tushdi. Ularda u bitta golli uzatmani amalga oshirdi.