Kilian Mbappe «Real»ning joriy mavsumdagi o‘yiniga munosabat bildirdi

Madridning «Real» klubi hujumchisi Kilian Mbappe «Los-Blankos»ning mavsumning birinchi yarmidagi natijalari haqida fikr bildirdi.

«Mavsum boshlanishi eng yaxshi tarzda bo‘lmadi, lekin biz sovrinlar uchun kurashishga tayyorlanyapmiz va bu eng muhimi. Boshlanish biz kutgandek bo‘lmadi, ammo «Real Madrid»da sizni butun mavsumdan keyin baholashadi», — dedi Mbappe.

Eslatib o‘tamiz, joriy mavsumda Mbappe «Real» safida barcha turnirlarda 21 ta o‘yin o‘tkazib, 11 ta gol va 2 ta golli uzatmaga mualliflik qilgan.