Mbappe "PSJ"ni Chempionlar ligasida g‘alaba qozonishini xohlaydimi?

"Real" hujumchisi Kilian Mbappe "PSJ"ning Chempionlar ligasidagi istiqbollari haqida fikr bildirdi.

Fransuz yetti yil davomida Parij giganti sharafini himoya qilgan, ammo klubga tarixda birinchi marta eng nufuzli yevrokubokni yutishiga hech qachon yordam bermagan. Ushbu yozda hujumchi erkin agent sifatida "Real"ga o‘tdi.

"PSJ" Chempionlar ligasida g‘alaba qozonishini xohlaymanmi? Hozir, yo‘q, chunki men "Real" bilan g‘alaba qozonishni xohlayman. Lekin "PSJ"ga eng yaxshi tilaklarimni tilayman. Umid qilamanki, bir kun kelib ular turnirda g‘alaba qozona olishadi. Lekin hozir emas, chunki men o‘zim g‘alaba qozonishni xohlayman", - dedi Mbappe CliqueTV telekanaliga bergan intervyusida tabassum bilan.