Mudrikning agenti mish-mishlarga javob qaytardi

"Chelsi" vingeri Mixail Mudrik vakili bo‘lgan agent Vadim Shabliy futbolchining kelajagi haqida ma’lumot berdi.

"Mudrik – ajoyib iqtidor va ambisiyalarga ega noyob futbolchi. "Chelsi"da u asosiy tarkibda o‘zini ko‘rsatishga e’tibor qaratgan. Albatta, u doimo klublar e’tiborini tortadi, ammo hozir uning barcha fikrlari “Chelsi”da", – dedi Shabliy.

Joriy mavsumda Mixail Mudrik “Chelsi” safida 15 ta o‘yinda maydonga tushdi. Ularda u uchta gol urdi va beshta golli uzatmani amalga oshirdi.