"PSJ" prezidenti: "Superligani hech kim qo‘llab-quvvatlamaydi"

"PSJ" prezidenti Nosir Al-Xelayfiy Yevropa Superligasi haqidagi savolga javob berdi.

— Hali ham Superliga bo‘lmaydi deb o‘ylaysizmi?
- Yo‘q, u mavjud emas. Darhaqiqat, u aldangan odamlarning ongidagi tasavvurdan boshqa narsa emas.

Ayni damda UEFA tomonidan uchta erkaklar o‘rtasidagi musobaqaning yangi formati va yangilangan FIFA klublar o‘rtasidagi Jahon chempionati bor.

Bu holatda Superliga yanada imkonsiz. Bu loyihani hech kim qo‘llab-quvvatlamaydi: na muxlislar, na futbolchilar, na OAV, na hukumatlar, na klublar.

Ma’lumki, uni faqat ikkita klub qo‘llab-quvvatlamoqda", - deya Al-Xelayfiyning so‘zlarini keltiradi Marca.

Hozirda faqatgina "Real Madrid" va "Barselona" UEFA va FIFAga bo‘ysunmagan holda Yevropa Superligasi loyihasidan chiqmagan.