"Bavariya"ning Noyer borasidagi rejalari ma’lum

"Bavariya" darvozaboni Manuel Noyerning shartnomasi mavsum oxirida yakuniga yetadi. Yaqinda Germaniya kubogi doirasida "Bayer"ga qarshi o‘yinda myunxenlik 38 yoshli sardor o‘z faoliyatida birinchi marta qizil kartochka oldi, shundan so‘ng u tanqidlarga uchradi.

Uchrashuv "Bavariya"ning mag‘lubiyati (0:1) va turnirdan chiqib ketish bilan yakunlandi. Noyerning jarohatlari va hozirgi noaniqlikka qaramay, klub rahbariyati hali ham u bilan shartnomani uzaytirish niyatida.

"Bavariya" faxriyning kelasi yozda faoliyatini yakunlash ehtimoli 1% dan kam deb hisoblaydi. Myunxenlik boshliqlar Manuel endi dunyoning eng yaxshi darvozaboni maqomini saqlab qola olmayotganini, lekin keyingi mavsumda yuqori saviyada o‘ynash uchun yetarli ekanligini tushunishadi.