Mourinyo Gvardiolaga javob qaytardi

Joze Mourinyo Pep Gvardiolaning sovrinlar haqidagi gapiga izoh berdi.

“Manchester Siti” bosh murabbiyi avvalroq “Liverpul” bilan o‘yinda muxlislarga olti barmog‘ini ko‘rsatganida portugaliyalik mutaxassis bilan solishtirish haqida gapirgan edi.

"Gvardiola menga u oltita sovrin yutganini aytdi, men uchta sovrinni qo‘lga kiritdim. Lekin men ularni adolatli va to‘g‘ridan-to‘g‘ri yutib oldim.

Agar mag‘lub bo‘lsam, raqibimni tabriklayman, chunki u mendan yaxshiroq bo‘lib chiqdi. Menga qarshi 150 ta ish ko‘rib chiqilayotganda g‘alaba qozonishni istamayman", - dedi “Fenerbaxche” bosh murabbiyi Joze Mourinyo.

2023 yilning fevralida Premyer-liga “Manchester Siti”ni 2009-2018 yillar davomida 115 ta moliyaviy qoidalarni buzganlikda aybladi. Bu ish bo‘yicha tinglovlar sentyabr oyida boshlangan va hukm kelasi yilning bahorida chiqishi kutilmoqda.