Xau "Liverpul" bilan o‘yin haqida: "Biz hujum qilamiz"

"Nyukasl" bosh murabbiyi Eddi Xau "Liverpul"ga qarshi o‘yin oldidan matbuotga o‘z fikrlarini bildirib o‘tdi.

"Liverpul" nihoyatda kuchli, o‘tgan hafta ularga qarang, ular "Real" va "Manchester Siti"ni mag‘lub etishdi. Ularning futbolchilari ajoyib formada, biz himoyada mukammal o‘ynashimiz va hujumdagi harakatlarimiz bilan ularga muammo yaratishimiz kerak.

Albatta, o‘yin oldidan hayajondamiz, lekin o‘z stadionimizda hujumga o‘tmoqchimiz. Biz kuchli tomonlarimizni ishga solishga harakat qilamiz, ular bizga xosdir", - deya Xauning so‘zlarini keltiradi klub matbuot xizmati.

“Nyukasl” ertaga, 4 dekabr kuni “Liverpul”ni qabul qiladi.