Anchelotti: "Mbappe "Liverpul"ga qarshi yomon o‘ynadi"

Madridning "Real" klubi bosh murabbiyi Karlo Anchelotti jamoaning fransiyalik hujumchisi Killian Mbappe Angliyaning "Liverpul" klubiga qarshi Chempionlar ligasi o‘yinida unchalik yaxshi o‘ynamaganini aytdi.

"Boshqalar kabi Mbappe ham kurashdi va harakat qildi. U unchalik yaxshi o‘ynamadi va penaltini golga aylantira olmadi. Bu qiyin payt bo‘ladi, lekin biz hammamiz uni qo‘llab-quvvatlaymiz", - dedi Anchelotti.

Uchrashuv 2:0 hisobida "Liverpul" foydasiga hal bo‘ldi.

Beshta o‘yindan so‘ng "Liverpul" 15 ochko va birinchi o‘rin, "Real Madrid" olti ochko va 24-o‘rinni egallab turibdi. Chempionlar ligasining navbatdagi o‘yinida "Liverpul" mehmonda Ispaniya "Jirona" jamoasiga, "Real" esa Italiyaning "Atalanta" klubiga qarshi o‘ynaydi.