Rodri: "Orzum professional futbolchi bo‘lish edi"

"Manchester Siti" yarim himoyachisi Rodri Ernandes o‘zi kutganidan ham ko‘proq yutuqlarga erishganini tan oldi.

Oktyabr oyi oxirida ispaniyalik futbolchi "Oltin to‘p"ni qo‘lga kiritdi. Yarim himoyachining o‘ziga ko‘ra, u ilgari bunday cho‘qqilarni orzu qilmagan.

"Mening orzum faqat professional tarzda o‘ynash edi - hammasi shu. Men bunga erishaman deb hech o‘ylamagan edim. Bu doimiy o‘sish, xarakter, ko‘proq narsaga intilish, ambisiyalarning natijasidir. Men qanday bo‘lsam, shundayman. Men "Manchester Siti"ga tarix yaratish va g‘alaba qozonish uchun keldim", - deya Rodri so‘zlaridan iqtibos keltiradi "Shaharliklar" matbuot xizmati.