Levandovski Gvardiola haqida gapirdi

"Bavariya"ning sobiq hujumchisi Robert Levandovski ispaniyalik murabbiy, hozirda Angliyaning "Manchester Siti"sida ishlayotgan Xosep Gvardiola haqida o‘z fikrlari bilan o‘rtoqlashdi.

"U shaxs sifatida futbolchilarga qiyin edi. Biroq, Gvardiola - taktik daho. Agar hamma unga ergashsa, g‘alaba qozonadi. Keyinchalik uning qanday o‘zgarganini payqadim. Pep tushundiki, agar u insonparvarroq va ochiqroq bo‘lsa, bu unga taktikadan ko‘ra ko‘proq yordam beradi", - dedi polshalik hujumchi.

Gvardiola va Levandovski "Bavariya"da birga ishlagan. Ispaniyalik 2013 yildan 2016 yilgacha nemis grandiga ustozlik qilgan edi.