"Chelsi" bir vaqtning o‘zida "Barselona"ning ikki nafar futbolchisiga da’vogarlik qilmoqda

Londonning "Chelsi" klubi "Barselona"ning ikki futbolchisini kuzatmoqda.

Gap himoyachilar Jyul Kunde va Ronald Arauxo haqida ketyapti. TBR Football xabariga ko‘ra, "ko‘klar"ning qiziqishlari ro‘yxatida ikkala futbolchi ham bor. Avvalroq, Kataloniya grandi keyingi yilning yozida ko‘plab himoyachilardan biri bilan xayrlashishga tayyorligi haqida ma’lumotlar paydo bo‘lgan edi, ammo fransuz va urugvaylik yulduzlarni sotish "ko‘k-anorranglilar" rejalariga kirmasligi mumkin.

Transfermarkt ekspertlarining hisob-kitoblariga ko‘ra, 26 yoshli Kundening narxi 55 million yevroni tashkil etadi. 26 yoshli Arauxoning narxi xuddi shu portalda - 70 million yevro. Birinchisi klub bilan 2027 yilgacha shartnoma tuzgan, ikkinchisining shartnomasi esa bir yil oldinroq tugaydi.