Argentina terma jamoasida yana bir yo‘qotish yuz berdi

Argentina terma jamoasi yarim himoyachisi Valentin Karboni mashg‘ulotlarda jarohat oldi va bo‘lajak o‘yinlarda maydonga tusha olmaydi, deya xabar beradi jamoaning rasmiy sahifalari.

Futbolchi jamoani tark etib, "Marsel"ga qaytadi. U fransuz klubida "Inter"dan ijara asosida o‘ynaydi.

Argentina terma jamoasi JCH-2026 saralashida Venesuela (11 oktyabr) va Boliviya (16 oktyabr) termalariga qarshi maydonga tushadi.