Skaloni: "Futbolchilarimni tanqid qilmoqchi emasman"

Lionel Skaloni Argentina terma jamoasi futbolchilarini tanqid qilmoqchi emas.

Jamoa JCH-2026 saralash bosqichida Paragvayga (1:2) mag‘lub bo‘ldi. Bu mag‘lubiyat argentinaliklar uchun so‘nggi 4 uchrashuvdagi ikkinchisi bo‘ldi.

"Men futbolchilarni tanqid qilmoqchi emasman. Men ularni qo‘llab-quvvatlash uchun shu yerdaman. Uchrashuv qiyin bo‘lishini bilardik. Biz oldinga intilmoqchimiz va yangi o‘yinchilarimizga ishonch qozonishlariga yordam bermoqchimiz.

Birinchi bo‘limda yaxshi o‘ynadik, ammo ikkinchi bo‘lim boshida raqibning goli hammasini murakkablashtirdi. Paragvay termasini tabriklashimiz kerak, ular yaxshi himoyalanishdi.

Biz yo‘lga qaytishga umid qilamiz. Jamoa har doim harakat qiladi, har doim bor kuchini beradi. Biz tahlil qilamiz va nimani yaxshiroq qilishimiz mumkinligini tushunamiz", - dedi argentinalik bosh murabbiy.

Argentina terma jamoasi navbatdagi saralash uchrashuvini 20 noyabr kuni o‘z maydonida Peruga qarshi o‘tkazadi.