Grilish Angliya terma jamoasi mashg‘ulotlarini o‘tkazib yubordi

Angliya terma jamoasi Millatlar ligasi doirasida Gresiyaga qarshi uy uchrashuviga tayyorgarlik ko‘rmoqda. Hujumkor yarim himoyachi Jek Grilish chorshanba kuni "Uch sherlar" mashg‘ulotlarini o‘tkazib yuboradi. Bu haqda terma jamoa matbuot xizmati xabar bermoqda.

"Grilish kichik jarohat tufayli mashg‘ulotlarni o‘tkazib yuboradi", deyiladi terma jamoa xabarida.

Angliya va Gresiya o‘rtasidagi uchrashuv 10 oktyabr payshanba kuni "Uembli" stadionida bo‘lib o‘tadi. Shundan so‘ng, 13 oktyabr kuni Li Karsli shogirdlari safarda Finlyandiyaga qarshi o‘yin o‘tkazadi.