Mbappe yo‘qligida Fransiyaga kim sardorlik qilishi ma’lum bo‘ldi

Hujumchi Kilian Mbappe Fransiya terma jamoasining oktyabrdagi yig‘iniga chaqirilmadi, Antuan Grizmann esa yaqinda terma jamoadagi faoliyatini yakunladi.

"Uch ranglilar" bunday sharoitda yangi jamoa sardorini tanlashi kerak edi. Fransiya terma jamoasi matbuot xizmati xabariga ko‘ra, yarim himoyachi Aureliyen Tchuameni payshanba oqshomida sardorlik bog‘ichi bilan futbol maydoniga chiqadi.

Qo‘shimcha qilib o‘tamiz, payshanba oqshomida Fransiya terma jamoasi Millatlar ligasi doirasida Isroil terma jamoasiga qarshi safarda o‘ynaydi.