Messi AQSHda nimadan hayratda qolganini aytdi

«Inter Mayami» futbolchisi Lionel Messi AQSHga ko‘chib o‘tganidan keyin nimalardan hayratga tushgani haqida gapirdi. Forvard 2023 yilning yozida erkin agent sifatida hozirgi jamoasiga o‘tdi, avvalroq u «PSJ» bilan xayrlashgan edi.

«Bu yerda juda ko‘p ishtiyoq bor, bu men uchun kutilmagan bo‘ldi. Men bu yerda basketbol, beysbol va amerika futboli qanchalik mashhurligini bilardim, lekin oddiy futbolga bunday munosabat haqida hech qachon eshitmaganman, shuning uchun men juda hayron bo‘ldim.

MLS - raqobatbardosh liga. Har bir jamoa o‘z uyida kuchli, shuning uchun mehmonda o‘ynash oson emas», - dedi 37 yoshli argentinalik futbolchi.