Neymar Floridadan 26 mln dollarga hovli sotib oldi

Neymar AQSHning Florida shtatatidan narxi 26 million dollarga yaqin bo‘lgan hovli-uy sotib oldi. Bu esa mazkur hudud uchun rekord narx hisoblanadi.

So‘nggi paytlarda 32 yoshli futbolchining «Al-Hilol»dan «Inter Mayami»ga o‘tishi mumkinligi haqida xabarlar tarqalmoqda. Neymar u yerda sobiq jamoadoshlari — Lionel Messi, Luis Suares, Serji Buskets va Jordi Alba bilan birga to‘p tepishi mumkin.

Braziliyalik futbolchi Florida shtatidagi Bel-Xarbor qishlog‘idan ko‘chmas mulk xarid qilgach, mazkur gap-so‘zlar yana kuchaydi.

Hovli sohil bo‘yicha joylashgan bo‘lib, u yerda deyarli 4000 metr kvadrat joyga uy qurilishi rejalashtirilgan.