Gvardiola: "Bir necha yil oldin bizning futbolchilar bu sovrinni qo‘lga kiritishini tasavvur ham qila olmasdik"

Pep Gvardiola Rodrini "Oltin to‘p"ni qo‘lga kiritgani bilan tabrikladi.

"Birinchidan, men uni va uning barcha oila a’zolari va do‘stlarini tabriklamoqchiman – bu uning uchun ham, barchamiz uchun ham aql bovar qilmaydigan yangilik.

"Manchester Siti" muxlislari va barchamiz u bilan faxrlanamiz. Bundan bir necha yil avval futbolchilarimizdan birortasi ushbu nufuzli sovrinni olishini tasavvur ham qilmagan edik.

Biz u bilan buni baham ko‘rishdan juda mamnunmiz va umid qilamizki, bu unga keyingi mavsumda yaxshi tiklanishi va yana biz bilan birga bo‘lishi uchun kuch beradi", - dedi "Manchester Siti" bosh murabbiyi.