Kurtua Luninga kecha o‘tkazib yuborgan gollarida aybi yo‘qligini aytdi

Madridning «Real» klubi darvozaboni Tibo Kurtua La Liganing 11-turida «Barselona»dan uchralgan mag‘lubiyatdan so‘ng (0:4) jamoadoshi Andrey Luninni qo‘llab-quvvatladi.

Qayd etilishicha, belgiyalik futbolchi ukrainalik darvozabonga: «Gollarda sizning aybingiz yo‘q, ularni qaytarishning iloji yo‘q edi», degan. Kurtuaning o‘zi jarohati tufayli «el-klasiko»ni o‘tkazib yubordi.

Bu uchrashuvda Lunin 3 ta seyv amalga oshirdi.