"Real" futbolchilarining "klasiko"dan keyin ahvoli yaxshi emas

Antonio Ryudiger va Lukas Vaskes "klasiko"dan keyin mushaklarda muammoga duch kelishmoqda.

Kecha "Real" La Liganing 11-turi doirasida "Barselona"ga yutqazdi (0:4). "Los-Blankos"ning ikkala futbolchisi ham butun o‘yinni maydonda o‘tkazdi.

Marca nashrining yozishicha, germaniyalik himoyachining ahvoli diskomfortga uchragan ispaniyaliknikidan ham yomonroq.

Har ikki futbolchi ham tez orada tibbiy ko‘rikdan o‘tishi va jarohatlarining og‘irligini aniqlashi kutilmoqda.

Shundan so‘ng ularning yaqin kunlarda mashg‘ulotlarda ishtirok etishi bo‘yicha rejalar tuziladi.