Bernardu: "Premyer-liganing barcha jamoalarini hurmat qilamiz"

"Manchester Siti"ning hujumkor yarim himoyachisi Bernardu Silva "Sautgempton"ga qarshi o‘yindan so‘ng fikr bildirdi. 

Angliya premyer-ligasining 9-turida “Manchester Siti” o‘z maydonida “Sautgempton”ni qabul qilib, minimal 1:0 hisobida g‘alaba qozondi.

Ushbu o‘yindan so‘ng "shaharliklar" ligada peshqadamlik qilishmoqda, "avliyolar" esa turnir jadvalining quyi qismida joylashgan.

"Biz Premyer-liganing barcha jamoalarini hurmat qilamiz.

Men bu mavsumda "Sautgempton"ning bir nechta o‘yinlarini tomosha qildim va bu jamoa hozirgidan ko‘ra ko‘proq ochkoga loyiq deb o‘ylayman", - deya Silvaning so‘zlarini keltirmoqda City Xtra.