«MYU» Devis uchun so‘rov yubordi

Hamma narsa himoyachi Alfonso Devisning 2024/2025 yilgi mavsum oxirida «Bavariya»ni tark etishi tomon ketmoqda. Kanadalik futbolchi erkin agent maqomini olishi va boshqa jamoaga bepul o‘tishi mumkin.

Avvalroq «Real Madrid» Devisni qo‘lga kiritish uchun favorit hisoblangan bo‘lsa, endi «Manchester Yunayted» ham kurashga kirmoqda.

"Sky Germany" jurnalisti Florian Plettenbergning so‘zlariga ko‘ra, «qizil iblislar» allaqachon futbolchining lageriga norasmiy so‘rov yuborishgan. So‘nggi kunlarda ingliz klubi 23 yoshli Alfonso haqida ma’lumot yig‘ish bilan shug‘ullanmoqda. Mankunianliklar kanadalik futbolchini chap qanot himoyasini kuchaytirishga ishonmoqda.