Militao klasikoni yangi pozisiyada boshlashi mumkin

Madridning «Real» klubi markaziy himoyachisi Eder Militao yaqinlashib kelayotgan «El-klasiko»da noodatiy pozisiyani egallashi mumkin.

«Los-blankos» mavsumning qolgan qismida jarohat olgan Dani Karvaxaldan foydala olmasligi aniq bo‘lganidan so‘ng, o‘ng qanot himoyasini yopishga urinmoqda. Jurnalist Edu Agirre xabariga ko‘ra, «Real» bosh murabbiyi Karlo Anchelotti «Barselona» bilan bo‘lajak uchrashuvda Militaoni o‘ng qanot himoyachisi sifatida o‘ynatmoqchi.

«Real»ning «Barselona» bilan uchrashuvi shanba kuni bo‘lib o‘tadi.