"Real" Angliya yulduziga qanday shartnoma taklif qilmoqchi ekanligi ma’lum bo‘ldi

Madridning "Real" klubi "Liverpul" himoyachisi Trent Alexandr-Arnoldga 5 yillik shartnoma taklif qilmoqchi, deya xabar beradi CaughtOffside.

Manbaning xabariga ko‘ra, ispan klubi 26 yoshli angliyalik futbolchining agenti bilan muzokaralar olib bormoqda.

"Real Madrid" taklif qilayotgan kelishuv 2030 yilning yoziga qadar davom etishi kutilmoqda, futbolchi yiliga 14-15 million funt maosh oladi.

Qayd etilishicha, futbolchining agentlari "Liverpul" bilan ham muzokaralarni davom ettirmoqda.

Oldinroq RadioMarca va Gol jurnalisti Ramon Alvares "Real Madrid" Aleksandr-Arnold bilan 2025 yilda erkin agent sifatida shartnoma imzolashga kelishib olgani haqida yozgan edi.

2024/25 yilgi mavsumda himoyachi klub safida 10 ta o‘yin o‘tkazib, 2 ta golga assistentlik qilgan.