Kroos yakuniy qarorini birinchi bo‘lib kimga aytgandi?

Yarim himoyachi Toni Kroos 2023/2024 yilgi mavsumdan keyin faoliyatini yakunladi.

Nemis futbolchisi "Real Madrid"da uning futbolni tark etish haqidagi qarorini birinchi bo‘lib kim bilganligi haqidagi savolga javob berdi.

"Murabbiy bizning munosabatlarimizni hisobga olgan holda birinchi bo‘ldi. 2014 yilda kelganimda Anchelotti "Real"dagi birinchi murabbiyim edi.

U birinchi bo‘lib bilishga loyiq edi. O‘sha kuni men Florentino Peresga [klub prezidenti] va Xose Anxel Sanchesga [klub bosh direktori], keyin esa uzoq vaqt birga o‘ynagan hamkasblarimga qo‘ng‘iroq qildim.

Rasmiy e’lon qilinishidan taxminan uch kun oldin jamoaga e’lon qildim. Ular buni sir saqlashdi, bu meni juda xursand qildi.

Ma’lumotlar sizib chiqishining oldini olish qiyin va men uchun bu muhim edi, chunki bu mening faoliyatim haqida edi", - deya Kroosning so‘zlarini keltiradi The Athletic.