Ryudiger "Real"dan keyin faoliyatini qayerda davom ettirishini aytdi

"Real" himoyachisi Antonio Ryudiger kelajagi borasida bir qarorga keldi. Madrid klubini tark etgach, nemis futbolchisi Saudiya Arabistoniga ko‘chib o‘tish niyatida, deb xabar beradi Relevo.

Manbaga ko‘ra, Ryudiger yirik shartnoma uchun ekzotik chempionatga o‘tishda yomon narsa ko‘rmayapti.

Qayd etilishicha, Antonio kelasi yozda "Real"ni tark etish niyatida emas. U Madrid bilan shartnomasini oxirigacha ishlab chiqib, Saudiya Arabistoniga ko‘chib o‘tmoqchi. Tomonlar o‘rtasidagi amaldagi kelishuv 2026 yilgacha amal qiladi.