Anchelotti ertangi o‘yin oldidan Mbappening holati haqida gapirdi

Madridning «Real» klubi bosh murabbiyi Karlo Anchelotti «Leganes»ga qarshi o‘yin oldidan o‘tkazilgan matbuot anjumanida Kilian Mbappe haqida gapirdi.

«FIFA kunlarida Mbappe yaxshi mashg‘ulot o‘tkazdi va jismoniy tayyorgarligini oshirdi. Ertaga u maydonda o‘zining eng yaxshi mahoratini ko‘rsatadi.

Kilianda ruhiy muammolar bormi? Qanday savol?! Uning xursandligini, motivasiya va o‘ynashiga ishonchi komilligini ko‘raman. Ertaga ajoyib uchrashuv bo‘ladi. Bunday taxminlar qilish jirkanchlik...», - dedi italiyalik mutaxassis.