Buffon: "Allegri Konte bilan solishtirganda farishtadek tuyulardi"
Mashhur sobiq darvozabon Janluiji Buffon Massimiliano Allegri va Antonio Konteni solishtirdi.
"Bizga dahshatli mashg‘ulotlar bergan Kontega o‘rganib qolganimizdan so‘ng, Allegri farishtadek tuyuldi. O‘yinlardan birida u shunchaki taktik doskaga "3" deb yozib qo‘ydi va keyin: Sen raqibingdan uch baravar kuchlisan, endi maydonga chiq va g‘alaba qozon, dedi", – deya esladi Buffon.
Antonio Konte "Yuventus"ni 2011 yildan 2014 yilgacha boshqargan. Massimiliano Allegri 2014 yildan 2019 yilgacha va 2021 yildan joriy yilgacha jamoada ishlagan.
