Anchelotti o‘z shogirdidan norozi
Madridning "Real" klubi bosh murabbiyi Karlo Anchelotti jamoaning yangi yulduzi Kilian Mbappening o‘yinidan norozi, deb xabar beradi Give me Sport nashri.
Manbaga ko‘ra, "Los-Blankos" ustozi joriy mavsumda turli o‘yinlarda Mbappedan ko‘proq narsani talab qilgan.
Italiyalik murabbiy fransiyalik futbolchining jamoaning himoyaviy harakatlarida qatnashmayotganidan hafsalasi pir bo‘lgan.
Superyulduz to‘pga ega bo‘lmaganida jamoadoshlariga yordam bera olmagani, ayniqsa, "Barselona"ga qarshi o‘yinda murabbiy uchun sezilarli bo‘ldi.
O‘shandan beri Anchelotti Mbappeni "Real"ning eng katta muammosi deb atadi - barchasi Kilianning kelishi jamoaga olib kelgan nomutanosiblik bilan bog‘liq.
